管理是甚麼－豬與主人對談

「管理」？管你？你管？其實是甚麼？

農場主人點樣圈養肥豬？肥豬不才就問下主人，以下是大家幾分鐘的對話。

豬：主人，咩係管理？

人：管理可以好技術，但又可以好藝術。

豬：咁即係點技術，又點藝術？

人：用人的管理方法可以用PLOC去操作，即係Planning、Leading、Organization、Controlling。計劃一下、領導兩下、組織三下、最係咪控制到死死下囉。

豬：唔明喎，又一下、兩下、三下、四下？係唔係打豬Pat Pat打到佢聽聽話話呀？

人：咁又唔係o既。因為打得多佢會反抗，一陣攪攪下，啲豬集體唔食野，咁好難養肥隻豬。

豬：咁即係點呀？

人：有時又好藝術o架，例如，大肥豬同小肥豬爭食，咁就要諗諗係唔係大家性格不同，所以爭食呢？呢個好藝術咁要排解大家行為上差異，否則大肥豬越來越肥，小肥豬就越來越瘦。

豬：和諧又好似好好喎。

人：咁又唔得太和諧，因為佢地太懶唔郁，豬肥膏太多，瘦肉少，賣唔到好價喎。

豬：噫？咁好易啫，畀多啲豬糧畀我地食，咁咪唔駛爭囉。

人：我都想呀！不過我都係得有限資源，即係只有有限的豬糧。我都要諗下用咩方法先至可以，養肥啲豬，佢地又唔會攪攪震，以防生事、整傷。否則，我又賣唔到啲豬，我咪死得囉。

豬：不如主人你話我知，其實你用咩方法o架，有無秘訣呢？

人：無o架？養豬多年，都係「隨機應變」。呀！你隻死肥豬問咁多做咩呀！你想反對我呢個農場管理人，好，今晚就劏咗你先，費事你知咁多野。

以上純粹虛構，並沒有引用任何文獻，只作飯後吹水之用。